Maibaum für Stellvertreter

Am 30.04.2013 wurde unseren Stellvertreter OBI Gösweiner Hannes zu seinem 50. Geburtstag ein Maibaum aufgestellt. 

 

hier klicken
hier klicken

 

Video - Maibaumgedicht

In Hannes sei 50a!

  

Ba dir lieaba Hannes , san mia heit banaund, du bist jo a ois „Papa Joe „ bekaunt.

In de nächstn Wochan, wirst du 50 Joar, do keat a Maibam gstöt, des woa uns kloar.

Und wei da Hannes, ba da Feiawehr, da Vize is, haum natürli seine Kamarodn, des gmocht gaunz gwiß.

 

Da Krenbau hot sofort den Bam hergebm, a boa Feiwehrla, san in Hoizberg, ums Grassat gwen,

und wer de Kranz bundn hot, des is net schwer, do haum miaßn, de Feiawehrfraun her.

Aufkranzt und aufputzt, woa da Bam schnö, jetzt steht a ba dir in Goatn,  so sche.

 

Kurz a boa Worte, zan Hannes sein Lebm, do dads  ollahaund, zan dazöhn nu gebm.

Ois a jungi, woa er untawegs, va friah bis spot, hoamkema is a meistns, wauns liacht woarn is grod.

Ma hotn a amoi, in Oberweng gsehn, da Beweis, is des valorne Feiawehrpiepsal gwen.

 

Da Hannes, hot ob und zua so Tog, wo a hoit goa net hoam geh mog.

Und is a sei Glasal, oft nu gauz voi, foit eam ei, das er plötzli hoam geh soi,

des mocht  nix, wei im nächstn Moment, is scho wieda lusti und de Nocht geht zu End.

 

Amoi is a va Gaschtn, zfuaß hoam in da Nocht, do in da Schlossingakurvm, hots ban Fuaß a weng krocht.

Nächstn Tog, woa da Fuaß eibandaschiert, in da Firma, haumsn mitn Roistuhl, za de Besprechungen gführt.

 

Ban Trochtnvarein bist du gaunz wichtig, do taunzt jo mit da Traudi, scho recht tüchtig.

In da oitn Ledahosn, host ausgschaut so knackig, taunzt und plattlt, host gaunz zackig.

 

Vü Joar host du scho, ban Mark vabrocht, ois Qualitätschef, bist du imma sehr bedocht.

Va Purkersdorf bis Slowenien, kimmst du umadum, üba de Südsteiermark, an kurzn Obstecha in de Mustastubm.

Da Hannes foahrt hoit so gern, üba d` Weiberg hoam auf Spiteu, waun er daun hoamkimmt, des is eam einalei.

Sei Traudi schauket daweu dahoam den Lodn, des muaß ma kloa und deitli sogn.

 

Ois Ausgleich hot se da Hannes, a Hobby gfundn, er vabringt sei Freizeit im Kräutagartl untn.

Auf da Goatnmess kaft a ei, frogt wia ois geht, und schaut das dahoam,  da Saum aufgeht.

Do werkta und tuata, de Pflanzal pikkiern, und mit seini Frauenhänd, seini Soim eimassiern.

Und nu so ollahaund guate Sochn, tuat er aus seini Kräuta mochn.

 

Ois Reservewirt, va da Egglalm, hüfst du gern aus, do host scho gübt, fia a Festl in Saus und Braus.

Aufs 50a Maibamfestl, do gfrei ma uns scho, do sama natürli sicha wieda olle do.

Mia hoffan, du host mitn Bam recht vü Freid, deini Feiawehrmauna, mit de Weibaleit !

 

 

Nächsten Termine

Aktuelle Einsätze OÖ

Aktuelle Einsätze

Wetter

Das aktuelle Wetter in Spital am Pyhrn
Alles zum Wetter in Österreich

Oberösterreich Spital am Pyhrn Sonntag, 16.10.2016 07:22 Uhr 18:
Wetter Spital/Pyhrn - Morgen Wetter Spital/Pyhrn

Unwetterwarnungen

Aktuelle Unwetterwarnungen für Österreich